كتبت الإعلامية غنوى دبوق على صفحتها الشخصية عبر منصة “X” التالي:

“‏ما عم صدق يا يمنى!
ماتت الضحكة ؟
كلكم بتعرفوا يمنى شري اللي بتشوفوها ع الشاشات
وكلكم يا بتحبوها يا لا
بس انا رح خبركم عن يمنى بالحرب الاخيرة لان الها حق عليي وعليكم وع اهل ضيعتها خربة سلم انو نحكي اللي كانت مانعتني احكيه”.

وتابعت: ‏”يمنى ما وقفت ولا يوم تحكيني وتحكي الجمعيات اللي تأمنلي مواد غذائية ومساعدات هي وبرا البلد وع كلمة واحدة، يا ريتني معكم وحدكم بس انتي يا غنوة ما رح تقصري. يمنى ضل قسم من آخر إشيا توزعت بآخر يوم من الحرب”. “‏قمنا طلعناهم ع الضيعة وحطيناهم فوق وتوزعوا ع الاهالي اللي رجعوا ع بيوتهم المهدمة”. “يمنى بسببها اخدنا محل صغير ببيروت بعز دين الحرب صرنا نحط فيه المساعدات ويشتغلوا الشباب بتقسيمهم على حصص ت يقدروا يغطوا كل البيوت”.

وختم دبوق: “هيدي بنت طينتكم، وهيدي بنت بلدكم، وهيدي اللي وقت الجدّ كانت قدها وقدود.. الله معك يا حبيبة قلبي.. وانشالله مثواكي الجنة يا رب”.